ສະຖານການສຶກສາໂລໂກສ ໃນເບື້ອງຕົ້ນ ເປັນສູນໂລໂກສ ອາກາເດມີ ສ້າງຕັ້ງຂຶ້ນເມື່ອ ປີ 2001 ແລະ ໄດ້ເປີດສອນໃນຫຼັກສູດ ລະບົບບຳລຸງ ແລະ ຝຶກອົບຮົມໄລຍະສັ້ນ ພາສາອັງກິດ, ພາສາເກົາຫຼີ ແລະ ຄອມພິວເຕີ.

      ມາຮອດປີ 2014 ສູນໂລໂກສ ອາກາເດມີ ໄດ້ຮັບອະນຸຍາດ ໃຫ້ຍົກລະດັບຂຶ້ນເປັນ ວິທະຍາໄລໂລໂກສ ຈາກກະຊວງສຶກສາທິການ ແລະ ກິລາ, ຕາມຂໍ້ຕົກລົງສະບັບເລກທີ: 3413/ສສກ.ອສ, ລົງວັນທີ 14 ສິງຫາ 2014;

      ໃນປີ 2021 ວິທະຍາໄລໂລໂກສ ໄດ້ຮັບອະນຸມັດຍົກລະດັບຈາກວິທະຍາໄລ ຂຶ້ນເປັນ ສະຖາບັນ ພາສາຕ່າງປະເທດ ໂລໂກສ ຈາກກະຊວງສຶກສາທິການ ແລະ ກິລາ, ຕາມຂໍ້ຕົກລົງສະບັບເລກທີ: 3112/ສສກ, ລົງວັນທີ 11 ສິງຫາ 2021 ແລະ ໃນປີ 2023 ສະຖາບັນ ພາສາຕ່າງປະເທດ ໂລໂກສ ກໍ່ໄດ້ຖືກຮັບຮອງເປັນສະຖາບັນສົມບູນ ຈາກກະຊວງສຶກສາທິການ ແລະ ກິລາ ຕາມຂໍ້ຕົກລົງສະບັບເລກທີ 3396/ສສກ, ລົງວັນທີ 17 ກໍລະກົດ 2023;